مصطفى يونس mostafa younes
اهلا وسهلا بكم فى منتدى مصطفى يونس
نتتمنى التسجيل والمشركة معانا فى المنتدى


مصطفى يونس mostafa younes
 
الرئيسيةاليوميةس .و .جبحـثقائمة الاعضاءالتسجيلالمجموعاتدخول
اهلا وسهلا بكم فى منتدى مصطفى يونس نتمنى لكم تصفح ممتع و نتمنى منكم المشاركه بموضوعاتكم فى المنتدى /   
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
ღღMostafaYounesღღ
 
اسماعيلاوى
 
mido_elmasre
 
عاشقه الزمالك
 
Admin
 
TiTo
 
المدريدى
 
Ahlawyz Ultras
 
mido0o0o02010
 
Je t'aime
 
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
المواضيع الأخيرة
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 215 بتاريخ الأربعاء فبراير 01, 2012 10:44 pm

شاطر | 
 

 اوعى تقف لاى بنت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
║O ♫ i like mu
عضو جديد
عضو جديد


عدد المساهمات : 23
نقاط : 40
تاريخ التسجيل : 12/01/2010
العمر : 32

مُساهمةموضوع: اوعى تقف لاى بنت   السبت يناير 16, 2010 4:59 pm

دلوقتى الأخت سحر الجعارة تطلع
تقول ان المرأة لها نفس حقوق الرجل في المجتمع،

والأخت إيناس الدغيدى تطلع تقول ان الراجل
همجى مش بيعرف في المرأة غير جسمها،

والأخت إقبال بركة تقول إن مصدر جمال المرأة
هو عقلها مش جسدها ولازم التعامل معاها
كعقل بدون النظر إلى الجسد هيه عاملة فيه ايه..

ده باعتبار ان الواحدة تبقى ماشية في الشارع
وواحد بقى يعاكسها يا ابو عقل
والواحد بقى يكلم صاحبه وهما شايفين بنت ماشية..
شفت ياد العقل اللى لابس أحمر ده؟؟ !!

كل الكلام ده ماشى

والأخت إيناس الدغيدى بيجيلها تخلف عقلى
لو سمعت ان راجل قال لمراته حضَّرى العَشا..
باعتبار ان العشا رجس من عمل الشيطان !!

يقولو البنت زى الولد ماهيش كمالة عدد..
ومش عارف مين قال ان البنت كمالة؟؟ !!
البنت طبق كشرى بحاله من الكبير ابو خمسة جنيه..
زيه زى الولد بالظبط

والأخت عبير صبرى ربنا يهديها
تقول ازاى الراجل المتوحش القاسى التنين
اللى بيطلع نار من مناخيره بيتعامل مع الأنثى
اللى هيه نسمة ماشية على الأرض يا ولداه !!

طبعا احنا بنعدى الكلام ده لأننا عارفين
الولد المحترم بيعامل البنت المحترمة ازاى..
والزوج المحترم بيعامل الزوجة المحترمة ازاى
ومش محتاجين نصايح
اسم الله على جمالهم وأدبهم اللى فاتوا

المشكلة بقى مادام بيقولوا البنت زى الولد..
ليه الولد بيقف في المترو عشانهم بقى؟؟
أيوة اوعى تمشى استنى..دى مشكلة كبيرة مش صغيرة..
يعنى الولد لما يركب المترو كام مرة في اليوم
وكل مرة يكتشف انه لازم يقف علشانهم تبقى مشكلة
يدخل المترو في أمان الله ويقعد بعد جهد جهيد
وهو شايف واحدة موظفة مع صاحبتها
راجعين من الشغل وصحتهم زى الفل..
وقاعدة تحكى لها ازاى تعمل محشى الكوسة
وقاعدة تقور في الهوا يمين وشمال
عشان يبقى الشرح عملى وصوتها عالى..
واول ما تدخل المترو تلاقى الشلل الرعاش حلّ عليها..
وعينيها مش قادرة تفتح من الإرهاق
وتيجى هيه وصاحبتها قدامه بالظبط وتعلـّى صوتها
وتقول لصاحبتها:
معدتش بقدر أقف كتير يا سنية..
ترد عليها زميلتها واللبانة فى بقها:
ومين سمعك يا حبيبتشى..
الدكتشور قال لى انى لو وقفت على رجلى خمس دقايق
هارجًّع على اللى قدامى علطول

ولا البنت اللى لسة شباب..
تبقى قاعد لا بيك ولا عليك
وتلاقى المحروسة داخلة المترو ..
بنت حلوة وشعرها ع الخدود يهفهف ويرجع يطير..
وتيجى تقف قدامك.. وفجأة تفضل تظبط شعرها
وترميه ورا ضهرها زى إعلان صابون كامى
عطر فرنسى الإيحاء..
ومتوقعة ان الزبون اللى هوه الواد المحترم الغلبان
هيقوم يبوس ايديها انها تقعد مكانه..
والله لو خلعت شعرها كله وادتهولك على سبيل المقايضة
زى قدماء المصريين.. برضه اوعى تقوم

وبعدين الأول كانت عربيات السيدات في المترو قدام
ومع ذلك كانوا منتشرين في كل العربيات وقلنا ماشى..
بعد ماحصلت حادثة مترو حلوان البسيطة اول المترو..
قالوا لا .. هاتوا السيدات في نص المترو..ليه بقى؟؟
ده باعتبار ان لو حادثة حصلت في أول المترو
والسيدات قدام هيصوتوا ويلموا الدنيا
انما الرجالة بتموت من سكات!!!صلاة النبى

طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج
لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..
واللى تحط وشها في الأرض من الكسوف..
واللى تقول أوووه.. راجل..فانتستيك..صلاة النبى..

انتى عمرك ماشفتى راجل ياضنايا؟؟؟
مش برضه انتى جاية من شغلك
وهوه هناك وراجعة بيتك
هتلاقى واحد من نفس الفيرجن
في وشك زى القضا المستعجل


والبنت اللى في الجامعة آه لو شافت راجل في المترو..
هيغمى عليها من الخضة..
ماانتى لسة جاية من الجامعة
وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟

أيوة مادام فيه مساواة تبقى فى كل حاجة.
زى ما الولد بيشتغل وهيه بتشتغل..
يبقى اللى يلحق الكرسى يقعد
باعتبار انها إبراهيم ابن خالته يعنى عادى ..
ومادام فيه مساواة ولازم نتعامل مع عقل البنت..
يبقى بلاش تلعب فى شعرها
وتوريك دايما انها بتحط هيد أندشولدرز ضد القشرة
عشان تقم..لأنها زى ما بتحط هيد أندشولدرز
الولد بيحط برضه هيد أنشولدرز ومن الحجم الكبير كمان
أبو عشرين جنيه..

انا مش بقول انك متقمش خالص
.بس قوم عشان حد يستاهل..
يعنى ست كبيرة مريضة.. راجل عجوز تعبان..
ست شايلة تسع عيال على ايديها..كده يعنى..
حالات تستاهل.. انما واحدة عندها تلاتين اربعين سنة
وقاعدة عاملالى فيها حسين رياض لما اتخرس في رد قلبى.. أقف ليها ليه؟؟

وكمان شوف الموقف ده.. بقى ينفع الواد يقف
عشان واحدة ست تقعد..ويقف جنبها..
وأول ما تيجى تنزل محطتها تشاور لاقرب بنت أو ست
عشان تقعد مكانها!! صلاة النبى..حتى الكرسى
بيتورث يا جدعان؟؟ خيال مآتة واقف جنب الكرسى ؟؟؟
دا واقف عشانك..طب خليها بجميلة حتى..
وموقف ورا موقف تكتشف في لحظة
ان كل الستات والبنات قاعدين..
وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..
احكى ياشهرزاد.. احكى لشهريار

ولا البنت اللى تيجى تقعد جنبك ومش طايقة نفسها
قال إيه المكان ضيق ومش قادرة تقعد مرتاحة..
طب ما دام انتى متضايقة كده ماتقومى تقفى
بلاش القعدة المقرفة دى.. ولا يعنى عشان كل مرة
واحد محترم شباب هوه اللى يقف
عشان المكان يوسع للهانم.. أم طاقية.. طاقية حمرا..
للهانم البيضا.. والهانم السمرا

القاعدة

الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.

.بيطالبوا بحقوق المرأة اللى على كيفهم..
مع ان ديننا جعل المرأة جوهرة يتحافظ عليها
وتتعامل أحسن معاملة مش سلعة وموضوع
في كل برنامج شوية.لو كنت قاعد على كرسى في المترو..
دايما حاول انك تربط رباط جزمتك
وانت قاعد لمدة العشرين محطة اللى انت راكبهم
وماتبصش لأى حد واقف عشان قلبك الطيب

خد معاك وانت راكب المترو
..علبتين هيد أنشولدرز عشان أى بنت
جاية تتدلع بشعرها عشان تقعد
تعرفها ان اللى معاه شامبو أكتر هوه اللى هيقعد

خد معاك مطوة عشان لو قلبك الطيب
خلاك تقعَّد واحدة مكانك وبعدين وهيه نازلة
شاورت لواحدة تانية تقعد مكانها وطنشتك..
تغزها بالمطوة غزتين عشان تفوق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ҳҲCяãZybŌyҲҳ‎
عضو جديد
عضو جديد


عدد المساهمات : 21
نقاط : 21
تاريخ التسجيل : 18/01/2010
العمر : 22

مُساهمةموضوع: رد: اوعى تقف لاى بنت   الإثنين يناير 18, 2010 9:50 pm

ايه الكلا م الجامد ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed zeroo
المدير العام
المدير العام


عدد المساهمات : 15
نقاط : 40
تاريخ التسجيل : 16/01/2010
العمر : 25

مُساهمةموضوع: رد: اوعى تقف لاى بنت   الثلاثاء يناير 19, 2010 4:10 pm

والله الراحل ده بيتكلم كلام زى الفل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اوعى تقف لاى بنت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مصطفى يونس mostafa younes :: شبابيك :: شباب كووول-
انتقل الى: