قوانين القسم العام .. متجدد ان شاء الله..نرجو الالتزام

بسم الله الرحمن الرحيم

بم ان القسم العام يشمل جميع المجالات في مواضيعو

لذلك قررنا وضع القوانين وتنفيذها بحزافيرهاااااا حزفوور حزفوور هههه

وياريت يا جماعه القوانين دي نلتزم بيها بدايه من العضو حتي المشرف

والقوانين كالتالى

1- بخصوص عمل اكتر من توبيك في اليوم للعضو الواحد
تم تحديد عدد 2 توبيك كحد اقصي للعضو الواحد في اليوم في القسم العام
واي توبيك زياده عن كده هيتم حزفو بدون اخبار صاحب التوبيك لانو هيكون مخالف للقسم وقوانينه

2-بخصوص الافكار المكرره
يتم اضافه المواضيع ذات الافكار المكرره في موضوع واحد يشمل التوبيك والردود
وبكده هيكون كل فكره في موضوع لوحدها وممكن اوي نضم توبيك لاكتر من عضو بيدور حول فكره واحده

3-بخصوص التوبيكات المثبته
سوف يتم تقليل التوبيكات المثبته بقدر الامكان حتي تحل محلها توبيكات اخري ذات افكار اقوي
وبكده هيكون كل التوبيكات اخدت حقها في القسم وفي التثبيت
واي توبيك مش هيزيد مده تثبيتو اكتر من 3 ايام الا في حاله انو كون توبيك عليه اقبال شديد من الردود والمشاركات

4-بخصوص متابعه التوبيكات
هيتم طبعا متابعه التوبيكات من المشرفين سواء كان انا او مادا او همس او احمد بقدر الامكان
واي توبيك مخالف هيتم حزفه وانزار صاحب التوبيك

5- بخصوص التوبيكات
سوف يتم التركيز بقدر الامكان علي التوبيكات التي تحوي مواضيع نقاشيه وهادفه يتم تبادل فيها الاراااء
بمعني اننا نبدأ نزود شويه من التوبيكات الهادفه النقاشيه في قضايا معينه ومتكونش توبيكات شعر وكلام ونصايح وبس
ودا طبعا هيتيح لكل واحد فينا تفكير اقوي ومناقشه متميزه وتطوير طبعا للقسم اكتر واكتر

6- بخصوص توبيك الدردشه وموضوع المليون رد
تم دمج توبيك المليون رد وتوبيك الدردشه في توبيك واحد بأسم ( تعالو بينا ندردش عشان نوصل للمليوووووون )ودا طبعا لان التوبيكين ليهم نفس الهدف وانهم للدردشه فقط وعشان نقلل بقدر الامكان من التوبيكات المثبته ويالا بينا ندردش

7- ممنوع منعا باتا رد اي مشرف علي توبيك القوانين
التوبيك مغلق ومينفعش فيه اي ردود من اي مشرف

8- اى توبيك خاص بالدونلود موجود بالاقسام الكتابية يحذف فورا واعطاء العضو مخالفة
توبيكات الدونلود في اقسام الداونلوود مفيش اي توبيك فيه تنزيل هيكون موجود في القسم العاام يتم نقله الى قسم الاعضاء مع انذار العضو ولو تكرر مثل هذا الموقف مرة اخرى يتم حذ التوبيك نهائيا

9- عدم وضع اي ايميل خاص بأي عضو
وذلك لعدم ازعاج الاعضاء وخاصه وضع الايميل بغرض التعارف

10-استخدام خاصيه البحث قبل اضافه موضوع
حتي لا يكون الموضوع مكرر ويتم حزفه

11-عدم وضع اعلانات لموقع اخر بداخل التوبيك او رد علي توبيك

12- اي موضوع يحتوي علي مخالفه يرجو ابلاغ المشرف للقسم العام دون الكتابه في التوبيك ولو برد علي هذه المخالفه
وجود اي مخالفه في القسم كانت توبيك او رد اكتشفها احد الاعضاء يرجي مراسله الاداره ( الأدمنز او المشرفين العام أو مشرفين القسم العام )

13-اي توبيك يتم نقله من المشرفين نرجو نقل التوبيك نهائيا دون اعاده التوجيه وابلاغ صاحب التوبيك بالنق
وذلك للحفاظ علي مظهر القسم الجمالي وكذلك للتوبيكات المحزوفه تكون حزف نهائي

14 - الاهتمام بتنسيق المواضيع لتعطي شكلا جماليا للموضوع
للحفاظ علي جمال المنظر العام للموضوع
ويتم تنبيه العضو مره واحده فقط وان لم ينتبه
وتم تكرار نفس العمليه
حذف التوبيك فورا دون الرجوع اليه

اي مخالفه للقوانين يتم حزف التوبيك نهائيا واعطاء انزار للعضو فورااا

نرجو الالتزام بالقوانين للحفاظ علي القسم العام برونقه وجماله

تم تعديل القوانين من قبل الإدارة

مشكوره جدا وباذن الله نلتزم بالقوانين

» قضايانا وتحليلها (متجدد أسبوعى)
» "المعجره " لا اله الا الله محمد رسول الله
» حصريا :: مع اقوى البرامج - مجددون - مع عمرو خالد - برنامج قوى جدا ومليىء بالاثارة - متجدد باستمرار
» ممكن لو سمحت الاداره انى اكون مشرف على القسم بتاع الكوره المصريه
» للمنتدى :: اهداف :: مباراة :: مصر vs مالوى :: بحجمـ 15 مب بصيغة rmvb وعلى عده سيرفرات