║O ♫ i like mu
عضو جديد
عدد المساهمات : 23
نقاط : 40
تاريخ التسجيل : 12/01/2010
العمر : 39
 |  موضوع: نكت موبيلات  الأربعاء يناير 13, 2010 11:59 pm | |
| النكت:
إخبرنى
بصراحة يا عاطف ولا داعى للمجاملة أو النفاق .
أمرك يا ريس
عاطف
: أنا الأفضل ولا عبدالناصر ؟
عاطف : انت طبعا يا ريس .. جمال مين
اللى كان بيخاف من الروس !!
ـ طيب أنا الأفضل ولا السادات ؟
عاطف
: سادات مين ياريس اللى كان بيخاف من الأمريكان !!
طيب أنا الأفضل
ولا عمر بن الخطاب ؟
عاطف : انت طبعا يا ريس .. عمر بن الخطاب كان
بيخاف ربنا .. انت لأ
دكتور عيون قاعد مع خطيبته في حديقه
الاسماك معاه ورده قالها شايفه الورده دي
يا حبيبتي قالت له ايوه
فرجع ايده لورا شويه وقالها طب وكده
استضافوا ابو
العربى فى برنامج من سيربح المليون فسأله جورج سؤال المليون
و كان
السؤال الحج فريضة ام سنة فاندهش ابو العربى و قاله هاستعين بصديق ابن عمى
غريب فى بورسعيد
فأتصل عليه وقاله السؤال، رد عليه ابن عمه وقاله
اللى سالك السؤال ده مش فاهم حاجة !!!! فسأله ابوالعربى ليه؟؟ قاله لأن
الحج اما قرعة أو سياحى
رجل نساى اوى ذهب للحج وعند رمى
الجمارات سال نفسه انا رميت اتنين ولا تلاته فاعاد رميهم مره اخرى
ثم
ذهب للطواف فسال نفسه مره اخرى لفيت سته وله سبعه فاعاد الطواف
وعند
نزوله من الطائره سال نفسه كنت بتعمل ايه يا جورج؟؟
في
المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف
التلميذ:
مايرجعش حاجه يا استاذ
الاستاذ: ياابني استلف الف وبعديها الف تانيه
التلميذ
: مش هيرجع حاجه يا استاذ
الاستاذ: اقعد يا ابني انت متعرفش حاجه
في الحساب
التلميذ: انت اللي ماتعرفش ابويا
واحد
بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء
"فريد" جه؟
قاله : ماجاش يا شاويش "خميس" وبعد ساعة رجع له الشاويش
خميس وسأله اللواء "فريد" جه؟
قاله لسه ما جاش. وبعد ساعة أخرى رجع
له تانى وسأله اللواء "فريد" جه؟
قال له لسه ما جاش. وبعد ساعة جه
اللواء "فريد"
قاله العسكرى : أنت فين!! دا الشاويش "خميس" حيخرب
بيتك.
واحد عصبي اتجوز واحده عصبيه, يوم الولاده...
الولد بيقول للدكتور وسع إنت ..
إوعى إيدك ...أنا هأنزل لوحدي
واحد
مسطول بيسأل واحد مسطول ثاني: اسم دولة أوروبية لو حطيت على أخر حرف فيها
نقطة تصير اسم عالم ذرة
التاني قاله أنا غلب حماري
الأول
قله: الدولة هي قطر ولما تحط نقطة حتصير قطز
أم التاني قاله هو قطز
عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
واحد
محشش قاعد مع اصحابه و بيحكيلهم : انا مره طلعلى اسد و كان فى ايدى كباية
ميه
رميته بيها الاسد طلع يجرى رد عليه واحد من اللى قاعدين قاله صح انا قابلت
نفس
الاسد ضربته بالقلم ايدى اتبلت
مره واحد بيقول لواحد صاحبه
اسكت مش انا حماتى ماتت امبارح قاله لا حول الله يا
رب ماتت ازاى
الست دى
قاله وانا واقف معاها فى البلكونه وقعت من الدور الخامس
قاله
لا حول الله يا رب دى موته وحشه قوى
قاله لا ماهى ماوقعتش على
الارض قاله
امال ماتت ازاى قاله وقعت على سلك الكهرباء
قاله
يا ساتر يارب دى موته وحشه قوى ماتت من الكهرباء طبعا
قاله لا يا عم
ماهى الكهرباء كانت مقطوعه
قاله امال ماتت ازاى بس
قاله اصل
السلك نطرها فى حمام السباحه
قاله لا اله الا الله ماتت غرقانه
قاله
بس يا عم اعوز بالله ماهو اول ما نزلت فى الميه الطشه رفعتها على منط
الحمام وطلعت عندى فى البلكونه تانى
قاله امال انت بتقول ماتت ازاى
قاله
اصلى لما زهقت قمت خانقها بس بقه يا عم
مرة واحد متجوز
عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي
جوه الدولاب.
وفي يوم راح الشغل ونسي المفتاح.
مراته فتحت
الدولاب لقت 20 الف جنيه وبيضتين.
لما رجع سالته ايه حكاية البيضتين
قالها بصراحه كنت كل ماخونك أحط بيضة في الدولاب
الست قالت عشرين
سنه جواز ومرتين بس مش مهم وسالته طب والعشرين الف جنيه
قالها كنت
كل ماجمع كرتونه بيض ابيعها
واحد ضابط مظلات امه حلمها ما
بيخيبش. كان عنده عرض أمام الوزير ...قالتله بلاش
تنط عشان أنا حلمت
ان البراشوت مش هيفتح. المهم جه ينط ... خاف وافتكر فزميله
سأله
أيه الحكاية؟؟ فلما قاله رد عليه زميله ...ولا يهمك خذ البراشوت بتاعي
وهات
البراشوت بتاعك. نط صاحبنا وفتح البراشوات .أتفتح معاه شوية ولقى زميله
نارل
بسرعة وبيصرخ .
الله يخرب بيت أمـــــــــــــــك
قردين
واحد حظه حلو و التانى حظه وحش قاعدين مع بعض فى الغابه وجعانين أوى
فاللى
حظه حلو بيقول للى حظه وحش أنا اعرف مكان شجرة موز وهم فى مزرعة واحد
تعالى
نروح ناكل منها قاله ماشى..
لما وصلوا فاللى حظه حلو قال للى حظه
وحش
استنا انت هنا انا هاطلع اهزلك الشجره من فوق وانت لم الموز
ماشى ,ماشى و طلع هز والموز وقع فالقرد اللى حظه وحش مسك أول موزه ولسه
بيقشرها جه صاحب المزرعه راح ماسكه رازعه حتة علقه وهربوا,
جم تانى
يوم هايموتوا من الجوع قالوا: مابدهاش بئه راحوا وطلع اللى حظه حلو فوق وهز
الشجره واللى حظه وحش تحت مسك اول موزه جه صاحب المزرعه راح ماسكه مبهدله
وهربوا جه تالت يوم قاعين موحوحين قالوا ياروح مابعدك روح راحوا عالشجره
فالمره دى اللى حظه وحش قال للى حظه حلو استنا انت هنا النهارده وانا هاطلع
فوق.. ماشى؟, ماشى... وطلع فعلا وجه صاحب المزرعة هو وابنه،،
فابنه
مسك القرد اللى حظه حلو فابوه قاله لأ سيبه دانا ضاربه يومين ورا بعض
هاتلى
ابن الكلب اللى فوق ده
قرية اهلها اشتكوا ان الامام
يلقي خطب طويلة جدا جدا في الصلاة فاشتكوا الي الاوقاف التي ارسلت لهم
اماما جديدا ولكنه كرر نفس المشكلة فاعادوا الشكوى
فارسلت لهم
الاوقاف شيخا آخر وحذرته من الاطالة.
وصل الامام الجديد فدخل المسجد
وصعد المنبر وحيّا المصلين وسأل:
اتعرفون قصة سيدنا يوسف عليه
السلام؟
فرد المصلون كلهم: نعم .
فنظر الامام الى المؤذن
وقال: اقم الصلاة.
ولما فرغ من صلاته استوقف الناس وسألهم: اتعرفون
قصة سيدنا موسى عليه السلام؟
فرد المصلون : نعم.
فقال لهم :
ماتجوش الجمعة الجايـــة
اتنين مساطيل قاعدين في استاد
القاهرة ، واحد بيقول للتاني :تقدر تلفلي الملعب
ده في اد ايه ؟
التاني
: الفهولك في سجارتين | |
|
اسماعيلاوى
رئيس رابطة مشجعى نادى الاسماعيلى
عدد المساهمات : 52
نقاط : 56
تاريخ التسجيل : 05/01/2010
| | موضوع: رد: نكت موبيلات الخميس يناير 14, 2010 4:40 pm | |
| ههههههه نكت جامده اوعى وشك | |
|
عاشقه الزمالك
مشرفه
عدد المساهمات : 44
نقاط : 71
تاريخ التسجيل : 31/12/2009
| | موضوع: رد: نكت موبيلات السبت يناير 23, 2010 8:40 pm | |
| | |
|
مصطفى البرنس
مساعد المدير
عدد المساهمات : 14
نقاط : 16
تاريخ التسجيل : 31/12/2009
| | موضوع: رد: نكت موبيلات الأحد فبراير 14, 2010 3:02 pm | |
| عجبوكى لا والله انتى الى حلوة وقمر كمان ايه العسل ده يا خواتى | |
|
